थप समाचारबिहीबार, मंसिर २४, २०७२

मोर्चाका स्थानीय नेता भन्छन्, ‘धर्ना बस्ने मान्छे नभएपछि नाका खुल्यो’

हिमालखबर

आंशिक रुपमा सञ्चालित नेपालगञ्ज–रुपडिहा नाका विहानैबाट खुलेको छ ।

कुनै रोकतोक बिना इन्धन, खाद्य तथा निर्माण सामाग्रीका गाडी नेपाल भित्रिरहेको प्रहरीले जनाएको छ । अहिलेसम्म १९ वटा डिजेल, ५ वटा पेट्रोल, ३ वटा हवाई, ४ वटा ग्याँसका ट्यांकर र १४६ वटा खाद्य सामाग्रीका गाडी अहिलेसम्म भित्रिसकेको छ ।

दिनभर मोर्चाका कार्यकर्ता धर्नामा बस्ने भएपछि नाका अवरुद्ध हुँदै आएको थियो । तर, धर्नाबाट मोर्चाका कार्यकर्ता हटेलगत्तै भारतीय पक्षले सहज रुपमा गाडी पठाइरहेको छ ।

मोर्चाका स्थानीय प्रवक्ता पशुपति दयाल मिश्रले धर्नामा बस्ने मान्छे नभएकाले खुला गरिएको बताए । उनले भने, “मान्छे घट्दै गएकाले धर्ना नबसिएको हो, अव बैठक बसेर नयाँ योजना बनाउँछौं ।”

उनले केन्द्रबाट आउने निर्देशन अनुसार नयाँ कार्यक्रम तय हुने बताए । प्रवक्ता मिश्रले भने, “केन्द्रमा पनि बैठक बसिरहेको छ, अव कस्तो कार्यक्रम आउँछ त्यसै अनुसार कार्यक्रम अघि बढ्छ ।”

यता, जोगवनी नाका पनि सहज बन्दै गएको छ । मोर्चाका कार्यकर्ताको अवरोध नभएपनि भारतीय पक्षले रोक्दै आएको गाडीहरु सहज रुपमा पठाउन थालेको छ । स्थानीय अधिकारीहरुका अनुसार त्यहाँ नाकाबन्दीको कुनै प्रभाव देखिएको छैन ।

मूख्य नाका रक्सौल भने खुलेको छैन । त्यहाँ मोर्चाका कार्यकर्ता दिनरात धर्ना बसिरहेका छन् भने भारतीय पक्षले यसैलाई देखाएर सम्पूर्ण आयात रोकेको छ ।

–केशव राना, बाँके
–सुरेश बिडारी, वीरगञ्ज
–कमल रिमाल, विराटनगर

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...