सरकार, प्रमुखप्रतिपक्ष नेपाली कांग्रेस र मधेशी मोर्चाबीच सिंहदरबारमा बसेको बैठक यसअघिको झैं टुंगोमा नपुगी सम्पन्न भएको छ ।

तस्वीर: रासस

बैठकमा नेपाली कांग्रेसले संविधान संशोधन र पुनर्निर्माण प्राधिकरण विधेयक सँगसँगै व्यवस्थापिका संसद पेश गर्नुपर्ने अडान राख्यो भने मोर्चाका नेताहरुले संविधान संशोधन विधेयक र पुनर्निर्माण प्राधिकरणसम्बन्धी विधेयक बेग्लै विषय भएकोले तत्कालका लागि पुनःनिर्माण प्राधिकरण सम्बन्धी विधेयक मात्रै अगाडि बढाउनु पर्ने अडान राखेका थिए ।

कांग्रेस र मधेशी मोर्चाले आ–आफ्नै अडान राखेपछि बैठक विना निष्कर्ष टुंगियो ।

मोर्चाले आफ्नो अडान राखिरहँदा सरकार पक्षका नेताहरुले पनि हाललाई पुनःनिर्माण प्राधिकरण विधेयक मात्रै अघि बढाउन र संविधान संशोधन विधेयकमाथि थप छलफल गर्नु पर्ने बताएका थिए ।

बैठकमा सहभागी तमलोपा नेता सर्वेन्द्रनाथ शुक्लले आजको वार्तामा सरकार पक्ष र कांग्रेसबीच चर्काचर्की भएपछि आफूहरु खासै बोल्ने अवस्था नआएको बताए ।

विधेयक अघि नबढ्ने भएपछि आज बस्ने भनिएको संसद बैठक पनि अनिश्चित भएको छ ।
कपिल भट्ट, काठमाडौं

प्रतिकृया दिनुहोस