वीरगन्जस्थित सिर्सिया सुक्खा बन्दगाहको ढुवानी अवरुद्ध गर्न धर्ना बसेका ११ जनालाई प्रहरीले आज बिहान नियन्त्रणमा लिएको छ ।

जिल्ला प्रहरी कार्यालय, पर्साको टोलीले संयुक्त लोकतान्त्रिक मधेशी मोर्चा र सङ्घीय समावेशी मधेशी गठबन्धनका नेता कार्यकर्तालाई बिहान १०:३० बजे नियन्त्रणमा लिएको प्रहरी नायब उपरीक्षक होबेन्द्र बोगटीले जानकारी दिए ।

ती नेता तथा कार्यकर्तालाई जिल्ला प्रहरी कार्यालय, पर्सामा राखी अनुसन्धान भइरहेको उनले बताए ।
रासस

प्रतिकृया दिनुहोस