नेत्रविक्रम चन्द नेतृत्वको नेकपा माओवादीले टेलिभिजन च्यानलहरु प्रसारण गर्ने डिस होमको ललितपुरस्थित मुख्य कार्यालयमा क्षति पुर्‍याएको छ ।

ललितपुरको भैंसेपाटीस्थित डिस होमको मुख्य कार्यालयमा १ पुस विहान करिब ६ः३० बजे पेट्रोल बम प्रहार भएको थियो । बम प्रहारबाट टावर र कार्यालयमा आगो लागेर क्षति पुगेको प्रहरीले जनाएको छ ।

भारतीय टेलिभिजन च्यानलहरुको प्रसारण रोक्न दबाब दिंदै आएको माओवादीले त्यही निहुँमा डिसहोमको कार्यालय ध्वस्त पारेको हो ।

अहिले डिस होमको सम्पूर्ण प्रसारण बन्द भएको छ । प्रसारणका लागि वैकल्पिक उपायको खोजी भइरहेको डिसहोमले जनाएको छ ।

चन्द माओवादीका प्रवक्ता खड्गबहादुर विश्वकर्माले हिन्दी टेलिभिजनको प्रसारण रोक्न बारम्बार दिइएको चेतावनी नमानेपछि डिसहोमको कार्यालयमा आक्रमण गरिएको बताएका छन् ।

प्रतिकृया दिनुहोस