कांग्रेस केन्द्रीय समितिको बैठकले संसदमा पेस भएको पुन:निर्माणसम्बन्धी विधेयक आजै पारित गर्ने निर्णय गरेको छ ।

सानेपा स्थित पार्टी मुख्यालयमा आज, १ पुसबाट शुरु बैठकले संसदमा पेस भएको पुन:निर्माणसम्बन्धी विधेयक आजै पारित गर्ने र संविधान संशोधनसम्बन्धी विधेयकलाई पनि अगाडि बढाउने निर्णय गरेको हो ।

संविधान संशोधनको प्रक्रिया शुरु भएको र सबै दलहरुसँग छलफल गरि आवश्यक परिमर्जनकासाथ पारित गर्न काग्रेस खुला रहेको कांग्रेस प्रवक्ता दिलेन्द्रप्रसाद बडुले बताए ।

बडुले भने, “मधेशकेन्द्रित दलहरुले उठाएका सिमांकन लगायतका बिषयहरुमा राजनीतिकतहमा वार्ता र संवाद्को माध्यमबाट निकास खोज्न तयार छौं ।

त्यस्तै बैठकमा पार्टीको क्रियाशील सदस्यता विवादबारेको प्रतिवेदन पेस भएको छ ।

पार्टीको सक्रिय सदस्यता छानविन समितिका संयोजक नरहरि आचार्यले समितिको प्रतिवेदन पेस गरेको बडुले जानकारी दिए ।

केन्द्रीय सदस्यहरुले प्रतिवेदनमा अध्ययनका लागि थप समयको माग गरेपछी भोलि ११ बजेसम्मका लागि बैठक स्थगित गरिएको छ ।

नाकाबन्दीका कारण मलखाद्को अभाव भई किसान समस्यामा परेको र उत्पाद्नमा ह्रास आउने भन्दै बैठकले सरकारको ध्यानाकर्षण गराएको छ ।
कपिल भट्ट, काठमाडौं

प्रतिकृया दिनुहोस