प्रमुख प्रतिपक्षी दल नेपाली कांग्रेसले तराई–मधेशमा आन्दोलनरत संयुक्त लोकतान्त्रिक मधेशी मोर्चासँग संसद्मा दर्ता भएको संविधान संशोधन विधयेकबारे वार्ता गर्ने भएको छ ।

पार्टी सभापति सुशील कोइरालाको निवास महाराजगन्जमा आज बिहान बसेको पदाधिकारी बैठकले विधेयकमा आधारित भएर दलीय परामर्शलाई अघि बढाउँदै सहमति खोज्ने निर्णय गरेको हो ।

बैठकले संविधान संशोधन विधेयकलाई प्रक्रियागत ढङ्गले अघि बढाउन सबै राजनीतिक दलसँग चरणबद्ध छलफल गर्ने र त्यस विषयमा थप तयारीका लागि कांग्रेसले अपराह्न पार्टी संसदीय दलको बैठक बोलाएको छ ।

केन्द्रीय समितिको बैठक बस्नुअघि पार्टीको आगामी १३ औँ महाधिवेशनको तयारी अन्तर्गत क्रियाशील सदस्यता वितरण प्रक्रियालाई कसरी व्यवस्थित र पारदर्शी बनाउने भन्नेबारे पदाधिकारीबीच छलफल गरेको हो ।

पछिल्लो समय वार्ता प्रक्रिया रोकिएकोमा मोर्चालाई सहमतिमा ल्याउन कांग्रेसले सहमतिमा ल्याउन चरणबद्ध वार्ता र संवाद गर्ने भएको छ ।
सभापति कोइरालाले मोर्चाका शीर्षस्थ नेतासँग औपचारिक र अनौपचारिक परामर्श गर्दै आएका छन् । रासस

प्रतिकृया दिनुहोस