थप समाचारआइतबार, पौष ५, २०७२

धनकुटाः ८०० रोपनीमा लगाइएको गाजा प्रहरीद्वारा नष्ट

हिमालखबर

gajaधनकुटाको छिन्ताङ लगायत आसपासका गाविसमा करिब ८०० रोपनी जग्गामा लगाइएको गाँजा प्रहरीले नष्ट गरेको छ ।

व्यावसायिक रुपमा लगाएको गाँजा फडानी गर्न प्रहरीले गत १८ कात्तिकदेखि धनकुटामा फडानी अभियान चलाएको छ ।

धनकुटाका एसपी विभुतिराज पाण्डेका अनुसार हालसम्म छिन्ताङ लगायत आसपासका स्थानबाट तयारी अवस्थामा बेच्न राखिएको ९०० केजी गाँजा प्रहरीले बरामद गरी नष्ट गरेको छ ।

गाँजा खेती गरिएको क्षेत्र पहिचान गरी नष्ट गर्ने कार्य जारी रहेको प्रहरीले जनाएको छ ।

अहिलेको गाँजा खेती नष्ट गर्ने अभियानमा क्षेत्रीय शसस्त्र प्रहरी गण विराटनगरबाट ३५ जनाको टोलीले ६ दिन, सशस्त्र प्रहरी गुल्म धरानको २३ जनाको टोलीले ४ दिन, जिल्ला प्रहरी कार्यालय धनकुटा लगायत मातहतका प्रहरी चौकीहरुबाट ३० जनाको टोली ६ दिन र सशस्त्र प्रहरी बल छिन्ताङ गुल्मका १५ जनाको टोली तीन दिन परिचालन भएको एसपी पाण्डेले बताए ।

लाखौ रकम लिएर राजनितिक दल र प्रहरी प्रशासनको संरक्षणमा छिन्ताङ लगायतका विभिन्न गाविसमा गाँजा खेती गरिएको आरोप बारम्बार लागेपछि प्रहरीले सक्रियता देखाएर गाँजा फडानी अभियान शुरु गरेको हो ।
सन्तोष रुचाल, धनकुटा

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...