सशस्त्र प्रहरी वलमा नेतृत्व फेरिएसँगै दुई प्रहरी संगठनवीचको सम्बन्धमा अपेक्षाकृत सुधार आउने संकेत देखिएको छ । प्रहरी महानिरिक्षक उपेन्द्रकान्त अर्याल र नवनियुक्त कामु सशस्त्र प्रहरी महानिरिक्षक दुर्जकुमार राईवीच सार्वजनिक कार्यक्रमको यो भलाकुसारीले यस्तै सन्देश दिएको छ ।

मध्य तथा सुदुर पश्चिमका स्थानीय सुरक्षा प्रशासकको क्षेत्रीय गोष्ठीमा अतिथी रहेका आइजिपीद्वयले मञ्चमै सौहार्दपूर्ण ढंगले कुराकानी मात्र गरेनन् आत्मिय मुस्कान पनि दिए । राईले जिम्मेवारी सम्हाले यता उनको यो नै पहिलो सार्वजनिक कार्यक्रम हो ।

केही महिना अघि यी दुई संगठन वीच शीतयुद्ध चलेको थियो भने अर्याल र तत्कालिन सशस्त्र प्रहरी महानिरिक्षक कोषराज वन्तवीच सार्वजनिक रुपमा जुहारी नै चलेको थियो । वन्त हाल निलम्वनमा परेका छन् भने सरकारले राईलाई कामु महानिरिक्षकको जिम्मेवारी दिएको छ ।
७ पुसमा शुरु भएको गोष्ठी ८ पुसमा सम्पन्न हुनेछ ।

शब्द/तस्बीर: जयनारायण शाह, नेपालगंज

प्रतिकृया दिनुहोस