थप समाचारबिहीबार, पौष ९, २०७२

राजमार्ग सरसफाई अभियान शुरु

हिमालखबर

3पूर्वपश्चिम राजमार्गको केन्द्रभाग नवलपारीबाट सरकारले राजमार्ग सरसफाई अभियान शुरु गरेको छ ।

स्थानीय विकास मन्त्रालयका सचिव माधव रेग्मीका अनुसार पहिलो चरणमा पूर्वपश्चिम राजमार्ग सरसफाई सफाई अभियानको थालनी नवलपरासीबाट गरिएको हो । राजमार्ग सरसफाई अन्तर्गत पहिलो चरणमा पूर्वपश्चिम राजमार्ग, दोस्रो चरणमा हुलाकी मार्ग र तेस्रो चरणमा मध्यपहाडी लोकमार्गको सरसफाई गरिनेछ ।

अभियानको उद्घाटन गर्दै सचिव रेग्मीले भने, “राजमार्गको रुपले देशलाई पनि चिनाउँछ, पर्यटकहरु यही बाटो भएर देश घुम्छन् ।” उनले सफा सडकको पहिचान निर्माण गर्न यो अभियान थालेको बताए ।

सरसफाई दूत सीताराम कट्टेल (धुर्मुस) र कुञ्जना घिमिरे (सुन्तली)को टोली नवलपरासीबाट पूर्वतिर र जोगिन्दरको टोली पश्चिमतिर लागेका छन् । उनीहरुलाई अञ्चल र जिल्लास्तरका निजामति कर्मचारीहरुले सहयोग गर्नेछन् ।

-विद्रोही गिरी, नवलपरासी

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...