उच्च स्तरीय राजनीतिक समन्वय समितिका संयोजक एवम् एमाओवादीका अध्यक्ष पुष्पकमल दाहालले व्यवस्थापिका–संसद्मा दर्ता भएको संविधान संशोधन विधयेक अघि बढाउन सरकार, प्रमुख प्रतिपक्ष र आन्दोलनरत मोर्चाका नेताहरुसँग छलफल गरेका छन् ।

दाहालले मोर्चाका नेताहरु उपेन्द्र यादव र महन्थ ठाकुरलाई संशोधन प्रक्रिया अघि बढाउन सहयोग गर्न आग्रह गरेका थिए । तर, मोर्चाका नेताहरुले सीमाकंनलगायतका ११ बुँदे माग प्याकेजमा टुंग्याए मात्रै संशोधन विधयेकमाथि भाग लिने प्रतिक्रिया दिएका थिए ।

दाहालले सत्तारुढ दल नेकपा एमालेका बरिष्ठ नेता माधवकुमार नेपालसँग पनि छलफल गरेका छन् भने प्रमुख प्रतिपक्ष दल नेपाली कांग्रेसका महामन्त्री कृष्णप्रसाद सिटौलासँग पनि संशोधन प्रक्रियाबारे छलफल गरेको दाहालको सचिवालयले जनाएको छ ।

दाहालले प्रधानमन्त्री केपी शर्मा ओलीले विस्तार गरेको मन्त्रिमण्डल र सरकारको कामकार्बाहीबारे पनि छलफल गरेका छन् ।

प्रतिकृया दिनुहोस