वीरगञ्जमा पत्रिका वितरणका लागि निस्किएको कान्तिपुर दैनिककाे गाडी संयुक्त लोकतान्त्रिक मधेशी मोर्चाका कार्यकर्ताले जलाएका छन् ।

पथलैया सडक खण्डको परवानिपुर चोक अगाडि पत्रिका बोकेको बा १३ च ४९५ नम्बरको गाडीमा मोर्चाका कार्यकर्ताहरूले पेट्रोल छर्केर आगो लगाएका हुन् ।

आगलागीबाट गाडी पूर्ण रुपमा जलेको छ । उनीहरुले गाडीमा बसेका पत्रिका वितरक गणेश खडकामाथि हातपात गर्नुको साथै उनको मोबाईल समेत खोसेर लगेका छन् ।

चालक ओमनाथ कावर भने भाग्न सफल भएको परवानिपुरका सहायक प्रहरी निरीक्षक परमानन्द यादवले बताए ।

-जियालाल साह, वीरगञ्ज/तस्वीरहरुः सुरेश बिडारी

प्रतिकृया दिनुहोस