सर्वोच्च अदालतले अख्तियार दुरुपयोग अनुसन्धान आयोगलाई साझा यातायातका अध्यक्ष एवम् पत्रकार कनकमणि दीक्षितसँग सम्पत्ति विवरण माग गर्नुको कारण पेश गर्न आदेश दिएको छ ।

प्रधानन्यायाधीश कल्याण श्रेष्ठको एकल इजलाशले दीक्षितको रिटमाथि १२ पुसमा सुनुवाई गर्दै अख्तियारलाई कारणसहित उपस्थित हुन आदेश दिएको हो । आदेशमा भनिएको छ– “सर्वोच्च अदालतले १५ दिनभित्र लिखित जवाफ पेस गर्न र अन्तरिम आदेश दिने वा नदिने भन्ने सम्बन्धमा छलफल गर्न अख्तियारलाई बोलाएकोे छ ।”

आयोगले गत १७ मंसीरमा पत्र दिई सात दिनभित्र उपस्थित हुन दीक्षितलाई पत्र पठाएपछि उनले कानूनविपरित व्यक्तिगत सम्पत्तिको विवरण मागेको भन्दै २९ मंसीरमा सर्वोच्चमा रिट दायर गरेका थिए ।

दीक्षित हिमाल खबरपत्रिकाका प्रकाशक समेत हुन् ।

प्रतिकृया दिनुहोस