धरानस्थित बीपी कोइराला स्वास्थ विज्ञान प्रतिष्ठान (घोपा)वाट विरामी लिएर पाँचथर सदरमुकाम फिदिम जाँदै गरेको एम्बुलेन्स दुर्घटना हुँदै एउटै परिवारका तीन जनाको मृत्यु भएको छ ।

मेची राजमार्ग अन्तर्गत इलामको गोदक–४, स्थित घट््टागोलाईमा विहान ४ बजे दुर्घटना भएको हो । सडकबाट झण्डै तीन समय मिटर तल एम्बुलेन्स खस्दा पाँचथर एकतिनका आनन्द खत्री (अधिकारी), उनकी फुपु नरिमाया चौहान र हजुरआमा रेनुका अधिकारीको मृत्यु भएको प्रहरीले जनाएको छ ।

जिल्ला ट्राफिक प्रहरी कार्यालय पाँचथरका प्रमुख उत्तम भण्डारीका अनुसार रेनुका अधिकारीको उपचार गरेर फर्कने क्रममा एम्बुलेन्स दुर्घटनामा परेको हो ।
मे १ च १४४७ नम्बरको जनमैत्री सेवाको एम्बुलेन्स दुघर्टनामा परेको हो ।

तीव्र गतिका कारण एम्बुलेन्स दुर्घटना भएको हुनसक्ने अनुमान गरिएको छ । दुर्घटनाबाट घाइते भएकाहरुको उपचार भइरहेको छ ।

-लक्ष्मी गौतम, फिदिम

प्रतिकृया दिनुहोस