थप समाचारमंगलबार, पौष १४, २०७२

महतोको स्वास्थ्यलाभको कामना गर्दै पूजापाठ

हिमालखबर

pujaविराटनगरमा प्रहरीसँगको झडपमा घाइते भएका सद्भावना पार्टीका अध्यक्ष राजेन्द्र महतोको शीघ्र स्वास्थ्यलाभको कामना गर्दै राजविराजमा विशेष पूजापाठ गरिएको छ ।

११ पुसमा विराटनगर–रक्सौल सीमा क्षेत्रमा धर्ना बसेका महतोको प्रहरीसँगको झडपमा घुँडा, टाउको र हातमा चोट लागेपछि उनलाई विराटनगरस्थित गोल्डेन हस्पिटलमा भर्ना गरिएको थियो । अहिले उनलाई थप उपचारका लागि धरानस्थित बीपी कोइराला स्वास्थ्य बिज्ञान प्रतिष्ठानमा भर्ना गरिएको छ ।

मधेशी मोर्चाका नेता/कार्यकर्ताहरुले विधिपूर्वक स्थानीय शिव मन्दिर प्राङ्गणमा महामृत्युञ्जय पाठका साथै उनको स्वास्थ्य लाभको कामना सहित विशेष पूजा गरेका हुन् ।

उच्चरक्त चाप र मधुमेहका बिरामी महतोको हातका दुई वटा औंला भाँच्चिएको र घाउ निको हुन नसकेको सदभावना महासचिव मनिषकुमार सुमनले जानकारी दिए ।

“घाउमा इन्फेक्सन भएको छ, रगतमा चिनीको मात्रा बढी छ, दुईतीन दिनमा पनि सञ्चो हुन सकेन भने दिल्ली लैजान्छौं,” सुमनले भने ।

राजविराजमा गरिएको पूजापाठमा आचार्य अमोद झाले महामृत्युञ्जय पाठ गरेका थिए भने सद्भावनाका केन्द्रीय सदस्य दिपेन्द्र चौधरी र जिल्ला अध्यक्ष सुनिल झा लगायतका नेताहरु पूजामा सहभागी थिए ।
श्रवणकुमार देव, राजविराज

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...