प्रधानमन्त्री केपी शर्मा ओलीले भूकम्पपीडित जनतालाई राहत प्रदान गरेर सरकार युद्धस्तरमा विकास निर्माणको काममा केन्द्रित हुने बताएका छन् ।

नेकपा एमाले राष्ट्रिय सम्पर्क भेलाको उद्घाटन गर्दै उनले गलत कुरा गरेर मुलुकलाई अस्तव्यस्त बनाउने, जनजीवन प्रभावित बनाउने काम कोही कसैबाट पनि नहोस् भन्नेमा आफू प्रतिबद्ध रहेको बताए ।

कानून बनाउन नदिने, जनतालाई राहत दिन नदिएर हलो अड्काई गोरु चुट्ने काम भइरहेको उल्लेख गर्दै प्रधानमन्त्री ओलीले अब कुनै पनि बहानामा भूकम्प प्रभावित क्षेत्रका जनतालाई राहत दिने काम नरोकिने बताए ।

नेपालको संविधानले सबै वर्ग तथा क्षेत्रलाई अधिकार सम्पन्न बनाएको भन्दै उनले अधिकार प्राप्तिको लडाईं भन्दै केही मान्छे अझै पनि तोडफोडमा उत्रिएको र जनजीवन प्रभावित बनाउन लागिएको बताए ।

संविधानसभाबाट संविधान घोषणा भएपछि अधिकार प्राप्तिको लडाईं सकिएको उल्लेख गर्दै प्रधानमन्त्री ओलीले अझै पनि अधिकार भन्दै सडकमा उत्रनु र अराजकता मच्चाउनुको कुनै अर्थ नभएको बताए ।

प्रतिकृया दिनुहोस