समाचारआइतबार, पौष १९, २०७२

‘सभापति बलियो बनाउनेगरी कांग्रेसको विधान संशोधन’

हिमालखबर

नेपाली कांग्रेसका संगठन विभाग प्रमुख एवम् विधान संशोधन समितिका संयोजक आनन्दप्रसाद ढुंगानाले पार्टीभित्रको भागबन्डा हटाउनेगरी विधान संशोधन हुने बताएका छन् ।

उनले भने, “६०/४० को भागबन्डालाई हटाउनेगरी विधान संशोधन हुन्छ ।” ढुङ्गानाले सभापतीय अधिकार कमजोर हुँदा गुटउपगुट झाँगिएको बताउँदै पार्टी सभापतिलाई बलियो बनाउने विधान बन्ने बताए ।

पार्टीभित्र क्रियाशील सदस्यताको विवाद रहेको र त्यो एक दुई दिनभित्र समाधान हुने उनले बताए । रासस