चार महीना लामो मधेश आन्दोलनका क्रममा पहिलो पटक बुटवलमा आयोजित आमसभालाई सम्बोधन गर्दै संघीय समाजवादी फोरम नेपालका अध्यक्ष उपेन्द्र यादवले काठमाडौं केन्द्रीत आन्दोलन गर्ने बताएका छन् ।

‘अन्तिम धक्का’ दिन भन्दै पूर्वनिर्धारित कार्यक्रमको अन्त्य गर्दै यादवले भने, “अव सिंहदरवार घेर्छौ, त्यहाँ अधिकार छ ।” उनले सुशील कोइराला र केपी ओलीकै कारण समस्या समाधान हुन नसकेको बताए ।

उनले भने, “मिलेर सिंहदरवार घेरौं, त्यहीँबाट अधिकार प्राप्त हुन्छ ।” यादवले पूर्वप्रधानमन्त्री गिरिजाप्रसाद कोइरालाले भनेको माले, मसाले र मण्डले यो सरकारले प्रमाणित गरेको बताए ।

मधेश आन्दोलनका क्रममा बुटवलमा आज ठूलो सभा भएको थियो । उनले पहाडमा भूकम्प जाँदा मधेशले सहयोग गरेकाले मधेशको समस्यामा पहाडले दुख नमनाएको बताए ।

–दीपक ज्ञवाली, बुटवल

प्रतिकृया दिनुहोस