सप्तरीमा गोली प्रहार गरी असई रमेश सुब्बाको हत्या गरिएकाे छ ।

गस्तीमा निस्किएका झुट्की प्रहरी चौंकीका इन्चार्ज असई सुब्बालाई गोली प्रहार भएको सप्तरी प्रहरी प्रमुख एसपी भीम ढकालले बताए ।

उनका अनुसार छातिमा गोली लागेका असई सुब्बालाई उपचारका लागि गजेन्द्रनारायणसिंह सगरमाथा अञ्चल अस्पताल लैजादै गर्दा बाटोमा मृत्यु भएको हो ।

गाेली प्रहार गर्ने समूहकाे पहिचान हुन नसकेकाे प्रमुख जिल्ला अधिकारी मानवहादुर विश्वकर्माले बताए । उनले भने, “गाेली प्रहार गर्ने समूह खाेजी गर्न प्रहरी टाेली परिचालन भइसकेकाे छ ।”

साँझ ६ बजे असई सुब्बामाथि गाेली प्रहार भएकाे थियाे ।

–श्रवणकुमार देव, सप्तरी

प्रतिकृया दिनुहोस