नेकपा एमालेले पूर्व सभामुख सुवासचन्द्र नेम्वाङलाई संसदीय दलको उपनेतामा चयन गरेको छ ।

नेम्वाङलाई एमालेले केन्द्रीय कमिटी सदस्य मनोनित गर्दै स्थायी कमिटीमा बढुवा गरेको थियो । एमाले प्रचार विभाग प्रमुख योगेश भट्टराईका अनुसार नेम्वाङलाई संसदीय दलको बैठकले उपनेताको जिम्मेवारी दिएको हो ।

२०६३ मा संसद् पुनःस्थापनापछि लगातार सभामुख रहेका नेम्वाङ ३ असोजमा संविधान जारी भएसँगै पार्टी राजनीतिमा फर्किएका हुन् । यस्तै, एमालेले संसदकाे प्रमुख सचेतकमा भानुभक्त ढकाललाई बढुवा गरेकाे छ । ढकाल यसअघि सचेतक थिए । प्रमुख सचेतक अग्नी खरेल कानून मन्त्री भएपछि ढकाललाई बढुवा गरिएकाे हाे ।

प्रतिकृया दिनुहोस