कार्यशालाको निष्कर्ष सुनाउँदै निर्देशक समाजका अध्यक्ष विमल पौडेलले मौलिक चलचित्र निर्माण नभएको र वजार व्यवस्थापनसमेत गर्न नसक्दा नेपाली चलचित्रमा दर्शकको अभिरुची घटेको बताए । “बास्तविक रुपमा नेपाली मौलिक चलचित्र बनाउन सकेका छैनौँ, उनले भने– अब आत्मसमिक्षा गर्नुपर्छ ।”

कार्यशाला गोष्ठीमा सहभागीहरु घलेगाउँमा सामूहिक तस्विर खिचाउँदै । तस्बीरः युवराज श्रेष्ठ/लमजुङ

बर्षमा झण्डै एक सय चलचित्र निर्माण भए पनि केहीले मात्रै लगानी उठाएको भन्दै पौडेलले दर्शकको मन जित्ने चलचित्र बनाउन नसकेकाले नै चलचित्र उद्योगमा संकट आएको बताए । शहरका कोलाहलमा भन्दा ग्रामिण भेगमा फिल्मको कथा खोज्न सके नेपाली मौलिकता झल्कने भन्दै विदेशी चलचित्रको नक्कल गर्ने परम्परालाई तोड्न गोष्ठीले उत्प्रेरणा दिएको निर्देशकहरुले बताएका छन् ।

यसैबीच कार्यशालामा निर्माण गरिएका सामाजिक, साँस्कृतिक एवं जातीय मुद्दा उठाएका ७ वटा छोटा चलचित्रहरु एक समारोहकाबीच वेसिशहरमा प्रदर्शन गरिएको छ । प्रदर्शित चलचित्रमध्ये पशुपति समूहले निमार्ण गरेको ‘मनसरी’ चलचित्र पुरस्कृत भयो ।

चलचित्र निर्देशक, लेखक, कलाकार, छाँयाकार, निर्माता, समिक्षक र पत्रकारहरु सहभागी कार्यशालामा प्रशिक्षक राजेन्द्र शलभले जातीय तथा साँस्कृतिक विविधतालाई फिल्ममा उतार्नका लागि कार्यशाला सफल भएको प्रतिक्रिया दिए । मौलिक चलचित्र निर्माण, संस्कृति तथा समाजको विकास र चलचित्र मार्फत पर्यटनको विकास गर्ने उदेश्यकले कार्यशाला गोष्ठीको आयोजना गरिएको हो ।

गोष्ठीले आगामी कार्यशाला दाङमा गर्ने निर्णय गरेको छ । युवराज श्रेष्ठ, लमजुङ

प्रतिकृया दिनुहोस