भारतले नाकाबन्दी गरेको करिब साढे तीन महिनापछि पूर्वको काकडभिट्टा सिमा नाका सहज बनेको छ ।

२१ पुसमा काकडभिट्टा–पानीट्यांकीे नाकाबाट ४३७ वटा मालबाहक गाडी नेपाल प्रवेश गरेको मेची भन्सार काकडभिट्टाका अधिकृत निर्माण भट्टराईले जानकारी दिए ।

६ असोजमा भारतले नाकाबन्दी शुरु गरेयता उक्त भन्सारबाट सबैभन्दा बढी २१ पुसमा रु दुई करोड ९९ लाख भन्सार राजश्व संकलन भएको थियो ।
२२ पुष बिहान ११ बजे सम्ममा १५० मालबााहक गाडि काकडभिट्टा प्रवेश गरेका छन् । भट्टराई अघिल्लो दिनको भन्दा बढता अर्थात कम्तिमा पाँचसय मालबाहक नेपाल प्रवेश गर्ने अनुमाान गर्छन । भन्छन्, “यसले नाका सहज बन्दै गएको देखिन्छ ।”

भारतबाट हिजो र आज आयात भएका सामाग्रीमा क्लिंकर, कोइला, खाद्यान्न, लत्ताकपडा, तरकारी, फलफुल, औधोगिक कच्चा पदार्थ र तेस्रो देशका कन्टेनर बढी छन् ।

इन्धनको आयात भने अझै सहज बनिसकेको छैन ।

झापामा रहेका आयल निगमका ३५ ट्यांकर मध्ये दैनिक १८—२० वटाले मात्र इन्धन पाउने गरेका छन् ।
गोपाल गडतौला, झापा

प्रतिकृया दिनुहोस