नेपाली कांग्रेसका केन्द्रीय सदस्य गोपालमान श्रेष्ठले आफ्नो दल सरकार गिराउने खेलमा नलाग्ने बताएका छन् ।

नेपाली कांग्रेस इलामद्वारा आज दिउँसो आयोजित कार्यकर्ता भेटमा नेता श्रेष्ठले अहिले सरकार गिराउनेभन्दा पनि आफूहरु पार्टीको १३औँ महाधिवेशनतर्फ केन्द्रित भएको बताए ।

“कांग्रेस महाधिवेशनबाट असल नेतृत्व चयन गर्नेतर्फ लागेको छ, सरकार गिराउने पक्षमा किमार्थ लाग्दैन” नेता श्रेष्ठले भने ।

उनले संविधान विभिन्न धार्मिक समुदायको ग्रन्थ जस्तो अपरिवर्तनीय नभएकाले यसमा छुटेका विषयलाई संशोधनमार्फत समेट्न सकिने विचार पनि व्यक्त गरेका थिए ।
रासस

प्रतिकृया दिनुहोस