पूर्व पश्चिम लोकमार्ग र त्रिभूवन राजपथको संगम स्थल बाराको पथलैयामा नेपाल प्रहरीले आधुनिक पेट्रोल पम्पसञ्चालनमा ल्याएको छ ।

तस्वीर: श्याम गुप्ता

मेचीदेखि महाकालीसम्म आउजाउ गर्ने सवारी साधन तथा नेपालको प्रमुख नाका वीरगञ्जबाट देशका विभिन्न भागमा सामान र यात्रु बोक्ने सवारी साधनलाई लक्षित गरी पेट्रोल पम्प सञ्चालनमा ल्याइएको प्रहरीले जनाएको छ ।

प्रहरी कल्याण कोष पेट्रोल पम्प २०४४ साल देखि स्थापना भई सञ्चालन भइरहेकोमा सवारी चापको बृद्धिलाइ दृष्टिगत गरी स्तरोन्नती गरिएको हो ।

प्रहरी कल्याण कोषद्वारा सञ्चालित उपत्यका बाहिरको एक मात्र पेट्रोल पम्प भएको र यसको क्षमता ४८ हजार लिटर रहेको पम्पका कर्मचारीले जानकारी दिएका छन् ।

एक करोड एक लाख ३९ हजार ७ सय ४० रुपैयाँको लागतमा निर्मित उक्त पम्पको बुधवार मध्य क्षेत्रिय प्रहरी कार्यालय हेटौंडाका प्रहरी नायव महानिरिक्षक देवेन्द्र सुवेदीले उद्घाटन गरेका हुन् । पम्प मध्य क्षेत्रीय ट्राफिक प्रहरी कार्यालयको अगाडि छ ।
श्याम गुप्ता, बारा

प्रतिकृया दिनुहोस