धरौटी वापतको रकम तिर्न नसकी थप कैद जीवन बिताइरहेका एक जनाको राजविराज कारागारमा ज्यान गएको छ ।

स्वास्थ्य अवस्था नाजुक भएका कैदी राजविराज ८ का ५५ वर्षीय अशोक गुप्ताको सगरमाथा अञ्चल अस्पताल लैजाने क्रममा मृत्यु भएको जेलर कृष्ण दाहालले जानकारी दिएका छन् ।

दाहालका अनुसार गुप्ता क्षयरोगका बिरामी थिए ।

१२ वैशाख २०६९ मा गुप्ता नकबजनी चोरी मुद्दामा कारागार चलान भएका थिए ।

२६ जेठ २०७२ मा जिल्ला अदालतले रु ९ हजार ८२३ लिई रिहा गर्ने आदेश दिए पनि उक्त रकम तिर्न नसक्दा गुप्ता जेलमै बस्नु परेको थियो ।
श्रवणकुमार देव, राजविराज

प्रतिकृया दिनुहोस