झापाको एउटा उद्योगमा आगजनी गर्ने नेत्रविक्रम चन्द नेतृत्वको नेकपा माओवादीका झापा जिल्ला इन्चार्ज विवश राईसहित चार कार्यकर्ता पक्राउ परेका छन् ।

६ पुसमा झापा दुवागढी– ९ स्थित साकम्बरी गुटखा उद्योगमा आगजनी गराएको अभियोगमा राई सहित नविन अधिकारी, पुष्प अधिकारी र चमनलाल माझीलाई प्रहरीले २३ पुसमा पक्राउ गरेको हो ।

झापाका बिभिन्न ठाउँबाट पक्राउ परेका उनीहरुका साथबाट तिनवटा मोटरसाईकल, पर्चा पम्प्लेट, चन्दा रसिद र पार्टीका दस्तावेज पनि बरामद भएको जिल्ला प्रहरी कार्यालय झापाले जनाएको छ ।

६ पुस राति १ बजे उद्योगमा आगलागी हुँँदा रु ३६ लाख ६२ हजार बराबरको क्षति भएको थियो ।
गोपाल गडतौला, झापा

प्रतिकृया दिनुहोस