मेडिकल काउन्सिलले स्नातक (एमबीबीएस र बीडीएस) तहमा निर्धारण गरेको विद्यार्थी कोटामा चित्त नबुझेर अदालत गएका देवदह मेडिकल कलेज रुपन्देही र युनिभर्सल मेडिकल कलेज भैरहवाको रिट पुनरावेदन अदालत पाटनले खारेज गरिदिएको छ ।

मापदण्ड नपुगेको भन्दै काउन्सिलले एमबीबीएसमा एक सिट पनि नदिएपछि देवदहले ‘नियमित निरीक्षण गरी सिट संख्या निर्धारण’ को माग गर्दै २४ कात्तिकमा रिट हालेको थियो ।

न्यायाधीशद्वय टेकराज नेपाल र डिल्लिराज आचार्यको संयुक्त इजलासले २२ पुसमा देवदहको रिट खारेज गर्दै काउन्सिलको निर्णयलाई सदर गरेको हो ।
त्यस्तै एमबीबीएसमा ९० र बीडीएसमा ३० सिट पाएको युनिभर्सलले गतवर्षकै (एमबीबीएसमा १५० र बीडीएसमा ६५) कोटा माग गर्दै १२ पुसमा रिट दायर गरेको थियो ।

न्यायाधीशद्वय तिलप्रसाद श्रेष्ठ र लेखनाथ घिमिरेको संयुक्त इजालासले २१ पुसमा कलेजले मागे अनुसार अन्तरिम आदेश जारी गर्न नपर्ने भन्दै रिट खारेज गरिदियो ।

मेडिकल काउन्सिल अध्यक्ष डा. धर्मकान्त बास्कोटाले निरीक्षणका क्रममा कलेजमा नक्कली प्रध्यापक भेटिएका, आवश्यकता अनुसार शैश्याको व्यवस्था नभएको र अन्य मापदण्ड पनि पूरा नभएको पाइएकाले सिट संख्या कटौती गरिएको बताए ।

उनले भने, “मापदण्ड अनुसारको पूर्वाधार र प्रध्यापक नपु¥याउने कलेजलाई मागे जति सिट दिन मिल्दैन ।”
रामु सापकोटा

प्रतिकृया दिनुहोस