पूर्व परराष्ट्रमन्त्री रमेशनाथ पाण्डेको हालसालै बजारमा आएको पुस्तक ‘कुटनीति र राजनीति’ को अंग्रेजी संस्करणका लागि भारतका प्रकाशन गृहहरुले चासो देखाएका छन् ।

प्रकाशन भएको करिब तीन महिनाको अवधिमा तेस्रो संस्करण प्रकाशन भइसकेको पुस्तकको अंग्रेजी संस्करणका लागि भारतका विभिन्न प्रकाशन गृहहरुले आफूलाई आग्रह गरेको पाण्डेले हिमालखबरलाई बताए ।

“विभिन्न प्रकाशन गृहहरुले अंग्रजी संस्करणका लागि अप्रोच गरेका छन्, तर मैले जवाफ दिएको छैन” पाण्डेले भने, “सकेसम्म म आफै अंग्रेजी संस्करण पनि ल्याउने कि भनेर सोच्दैछु ।”

नेपाल–भारत सम्बन्धका थुप्रै भित्री पाटाहरु उजागर गरिएको पुस्तक कुटनीतिज्ञ पाण्डेको आत्मकथा हो ।

नेपालको कुटनीतिक इतिहासका थुप्रै पाटाहरु उजागर गरिएको पुस्तक नेपालको हिंजोको कुटनीतिक अवस्था बुझ्न चाहनेहरुका लागि समेत पठनीय छ ।

प्रतिकृया दिनुहोस