गोली प्रहारबाट प्रहरी सहायक निरीक्षक (असई) को हत्या भएको एक साता नबित्दै सप्तरीमा पुनः एक जना सर्वसाधारणमाथि गोली प्रहार भएको छ ।

राजविराज नगरपालिका–२ चनौरा पडरिया टोल बस्ने चन्द्रशेखर ठाकुरमाथि २४ पुस दिउँसो १ बजे गोली प्रहार भएको हो ।

आफ्नो घरतर्फ जाँदै गरेका१७ वर्षीय ठाकुरमाथि अपरिचित व्यक्तिले गोली प्रहार गरेको जिल्ला प्रहरी प्रमुख एसपी भीम ढकालले जानकारी दिए ।

दाहिने पाखुरामा गोली लागेका उनलाई उपचारका लागि अञ्चल अस्पताल राजविराज ल्याइएको छ ।

गोली कसले र किन प्रहार गर्‍यो भन्नेबारेमा अनुसन्धान भइरहेको प्रहरीले जनाएको छ ।

यसअघि २० पुस साँझ झुटकी प्रहरी चौकीका इन्चार्ज असई रमेश सुब्बामाथि नर्घाे–६ मा गोली प्रहार गरी उनको हत्या गरिएको थियो । सुब्बाको हत्यारा समेत हालसम्म पता लाग्न सकेको छैन् ।
श्रवणकुमार देव, राजविराज

प्रतिकृया दिनुहोस