एमाओवादीका महासचिव कृष्णबहादुर महराले सर्वोच्च अदालतको फैसला स्वागत योग्य भएको बताएका छन् । यद्यपी उनले ‘जनयुद्ध’ कालीन मुद्दा सबै खारेज गरी सत्यनिरुपण तथा मेलमिलाप आयोग मार्फत टुंग्याउनु पर्ने पनि भने ।

नवलपरासीको कावासोतीमा आयोजित कार्यक्रममा बोल्दै महराले एमाओवादी नेता बालकृष्ण ढुंगेललाई माफ नदिन सर्वोच्चले दिएको आदेशबारे यस्तो प्रतिक्रिया दिएका हुन् । सर्वोच्चको फैसलाको स्वागत गरिने तर, त्यसबेलाका सबै मुद्दा सत्य निरुपण तथा मेलमिलाप आयोग (टिआरसी) मा पठाइनुपर्ने उनको भनाई थियो ।

उनले भने, “एमाओवादीले २०५२ साल फागुन देखि २०६३ मंसीरसम्मका घटना बारेमा राजनीतिक समाधान खोज्ने प्रयास गरेको छ, संविधान जारी गर्नुअघि यस विषयमा कांग्रेस, एमाले र एमाओवादी बीच सहमति भएको थियो,” उनले थपे, “जनयुद्ध कालीन मुद्दा खारेजी हुन्छ त्यो टिआरसीमा जानुपर्छ ।”
विद्रोही गिरी, नवलपरासी

प्रतिकृया दिनुहोस