पाँचथरको फिदिममा फाल्गुनन्द गोल्डकप फुटवल प्रतियोगिताको सातौं सस्करण शुरु भएको छ ।

२५ पुसमा शुरु भएको प्रतियोगिताको पहिलो खेलमा काम्राङ फुटवल क्लव सिक्किमले अग्रता लिएको छ ।

आफ्नो प्रतिस्पर्धी विराट स्पोर्टस एकेडेमी मोरङलाई ट्राइवेकरमा ४–२ गोल अन्तरले हराँउदै सिक्किले अग्रता लिएको हो ।

९० मिनेटसम्म खेलाइएको खेल गोल रहित वरावरीमा टुंगिएपछि ट्राइवेकरका आधारमा निर्णय गरिएको थियो ।

ट्राइवेकर सिक्किमका आदित्य शर्मा, समिर राई, टासिङ जङवु तामाङ र राजकुमार लिम्वुले १–१ तथा मोरङका तर्फवाट टुमान राई र मनिष अधिकारीले १–१ गोल गरेका थिए ।

४–४ जनाले गोल प्रहार गरेकोमा मोरङका पृथ्वी चौधरी र विवेक राजवंशीले गोल पोष्ट वाहिर प्रहार गर्दा मोरङले हार खाएको हो ।
विजेता टिम सेमी फाइनलमा प्रवेश गरेको छ ।

फिदिम स्पोर्टिङ क्ल्वले आयोजना गरेको फाल्गुनन्द गोल्डकपमा नेपाल र भारतका ८ टिमको सहभागिता छ ।

२ माघेसम्म चल्ने प्रतियोगताका विजेता टिमले रु १ लाख ११ र दोस्रो हुने टिमले रु ५५ हजार ५ सय सहित ट्रफि पाउने छन् ।

खेलको उद्घाटन अखिल नेपाल फुटवल संघका कार्यवाहक अध्यक्ष नरेन्द्र श्रेष्ठले गरेका थिए ।
लक्ष्मी गौतम

प्रतिकृया दिनुहोस