भेरी अञ्चल प्रहरी कार्यालयबाट खटिएको प्रहरी टोलीले भारतबाट चोरी गरेर ल्याएको रु ६० लाख चार हजार ५०० भारु नोट बरामद गरेको छ ।

गत ९ पुसमा भारतको चेम्बुरस्थित एक बिल्डर्सको घरबाट चोरी गरिएको भारु ६० लाखसहित सोही घरका भान्से लव शाही र चौकीदार जगत शाहीलाई प्रहरीले पक्राउ गरेको हो ।

आज अञ्चल प्रहरी कार्यालय नेपालगञ्जमा बरामद नोटसहित अभियुक्तद्वय शाहीलाई सार्वजनिक गरी प्रहरी वरिष्ठ उपरीक्षक धिरु बस्न्यातले घटनाको जानकारी गराए ।

सो घटनामा संलग्न उपेन्द्र शाही, धिरण शाही र मनुमाया सिंह भने फरार रहेका प्रहरीले जनाएको छ ।
रासस

प्रतिकृया दिनुहोस