भविन्द्र सुवेदी

सामाजिक सञ्जालको दुरुपयोग गरी ठगीमा सक्रिय झापा खुदुनावारी– ७ का भविन्द्र सुवेदीलाई प्रहरीले पक्राउ गरेको छ ।

भविन्द्रले नक्कली फेसवुक अकाउण्ट खोलेर पाँचथर र झापाका पाँच जना महिलालाई साथी बनाई ठगी गरेको खुलेपछि पक्राउ गरिएको पाँचथर प्रहरीले जनाएको छ ।

पाँचथरका प्रहरी प्रमुख कष्णप्रसाद कोइरालाका अनुसार पछिल्लो पटक पाँचथरकी एक युवतीवाट एक साताभित्र रु ३ लाख १ हजार ७०० रुपैंया ठगी गरेपछि परेको उजुरीका आधारमा प्रहरीले अनुसन्धान थालेको थियो । भविन्द्र २६ पुस साँझ विर्तामोडबाट पक्राउ परेका हुन् ।प्रहरीले गोपनीयता कायम राख्न भन्दै पीडितहरुको परिचय भने खुलाएको छैन ।

यसरी गरे लाखौं ठगी
झापा खुदुनावारी–७ घर भएका सुवेदीले काठमाडौंमा बसेर निश्चल शर्मा नामको फेसवुक अकाउण्ट बनाई त्यसमार्फत युवतीहरुलाई विभिन्न प्रलोभनमा पारी ठग्दै आएको खुलेको छ ।

पाँचथरकी युवतीसँग फेसबुकमार्फत चिनजान बढाएका भविन्द्रले आफ्नो काठमाडौंमा ६ तले घर र विभिन्न वैंकमा रु ३५ लाख रहेको बताई विवाहको प्रस्ताव समेत राखी ठगी गरेका हुन् ।

अविवाहित ती युवती पनि सुवेदीले काठमाडौंमा घर र वैंक व्यालेन्स रहेको भन्दै विवाहको प्रस्ताव राखेपछि उनीप्रति आकर्षित भएको प्रहरीलाई बताएकी छन् ।

युवतीले प्रहरीलाई बताए अनुसार भविन्द्रले पछिल्लो पटक ती युवतीलाई भेट्न पाँचर आउँदै गरेको बताएको तर, चितवन आइपुगेपछि सवारी दुर्घटना परी अस्पताल भर्ना भएको बताएका थिए ।

अस्पतालमा आफूसँग नगद नभएको, एटिएम काठमाडौंमै छुटेको भन्दै उनले ती युवतीलाई पैसा पठाइदिन भनेपछि युवतीले पनि पटकपटक गरी भविन्द्रले भने अनुसारकै बैंक खातामा एक साताभित्र रु ३ लाख १ हजार ७०० जम्मा गरिदिएकी थिइन् ।

तर, काठमाडौंमै रहेका युवकले लगत्तै आफ्ना बुवाको पनि मृत्यु भएको भन्दै काजकिरिया सकेर उनलाई भेटन आउने वाचा गरी मोबाइल फोन स्वीच अफ गरेका थिए भने फेसबुकबाट ती युवतीलाई अनफ्रेन्ड गरेका थिए ।

लामो समयसम्म युवक सम्पर्कमा नआएपछि युवतीले आफु ठगिएको शंकामा प्रहरीमा उजुरी दिएकी थिइन् ।

प्रहरी उपरीक्षक कोइरालाले भने, “उनलाई पक्राउ गर्न पनि समाजिक सञ्जाल नै प्रयोग ग¥यौं, उनको अकाउण्टमा साथी रहेकी अर्की युवतीलाई प्रयोग गरेर पक्राउ गर्न सकियो । ”

ठगीको रकमले काठमाडौं, धादिङ, गोर्खा र नवलपरासीमा मोजमस्ती गर्दै हिंडेका भविन्द्रले अर्की युवतीलाई पनि आफू संकटमा परेको र रकम पठाइदिन भन्दै आग्रह गरेपछि उनलाई युवतीमार्फत रकम लिन झापा बोलाई पक्राउ गरिएको कोइरालाले बताए ।

भविन्द्र सुवेदीले आफू केही वर्ष वैदेशिक रोजगारीका क्रममा दुबईमा रहेको र त्यहाँ पनि कमाई हुन नसकेपछि नेपाल फर्किएर ठगी धन्दा शुरु गरेको प्रहरीलाई बयान दिएका छन् ।

उनका साथवाट प्रहरीले नगद ८८ हजार समेत वरामद गरेको छ ।

आफूलाई अविवाहित बताउँदै आउका भविन्द्रका दुईजना श्रीमतीमध्ये जेठी झापाको खुद्नावारी र कान्छी नवलपरासीको गैंडाकोटमा वस्दै आएको प्रहरीले जनाएको छ ।
लक्ष्मी गौतम, फिदिम

फेसबुकमा चिनेकासँग भागेपछि…

नेपाली समाजमा ‘फेसबुक विवाह’

प्रतिकृया दिनुहोस