महोत्तरीको भटौलिया गाविस– २ बाट शनिबार राति अपहरणमा परेका आठ वर्षीय बालकको गए राति शव फेला परेको छ ।

भटौलिया– २ बस्ने रवीन्द्र महासेठका छोरा जेनिस भन्ने चिरञ्जीवी महासेठलाई हत्या गरेर एकडारा बेला– ७ स्थित गहुँ खेतमा खाल्डो खनी गाडेको अवस्थामा गएराति १२ बजे फेला परेको जिल्ला प्रहरी कार्यालय महोत्तरीले जनाएको छ ।

अपहरणकारीहरुले २५ पुस राति करिब ७ बजे बालक महासेठलाई अपहरणपछि हत्या गरी गाडेको प्रहरी उपरीक्षक जनक भट्टराईले बताए ।

घटनासम्बन्धी अनुसन्धानका लागि प्रहरीले स्थानीय एक युवकसहित तीनजनालाई आइतबार नै नियन्त्रणमा लिएर उनीहरुकै सहयोगमा बालकलाई गाडिएको ठाउँबाट शव बरामद गरेको हो ।

थप अनुसन्धान जारी रहेको जिप्रका, महोत्तरीले जनाएको छ ।
रासस

प्रतिकृया दिनुहोस