नेपाली कांग्रेस उपसभापति रामचन्द्र पौडेलले आफूलाई सभापति पदमा उम्मेदवारी दिन कसैले रोक्न नसक्ने बताएका छन् ।

२ माघमा कपिलवस्तु आइपुगेका पौडेलले सञ्चारकर्मीसँगको कुराकानीमा कांग्रेस भित्रको गुटवन्दी अन्त्यका लागि पनि आफ्नो उम्मेदवारी जरुरी रहेको बताए ।

देशभरका कार्यकर्ताले सभापतिमा पदको उम्मेदवारी दिन दबाब दिइरहेकाले पनि अब आफूलाई कसैले रोक्न नसक्ने उनको भनाई थियो ।

आफू सभापति भएपछि कांग्रेस भित्रको गुटगत राजनीति समाप्त हुने उनको दाबी छ ।

ठूला ३ दल र मधेशी मोर्चाबीच जारी वार्ता अन्तिम चरणमा पुगेकाले छिटै भारतको नाकावन्दी अन्त्य हुने पनि उनले बताए ।

कांग्रेस कपिलवस्तु सभापति एवम् सांसद सुरेन्द्रराज आचार्यकी माता प्रभा आचार्यको निधनमा श्रदान्जली दिन पौडेल कपिलवस्तु आएका हुन् ।
गोपाल भण्डारी, कपिलवस्तु

प्रतिकृया दिनुहोस