सिमरा विमानस्थलमा रहेको बिग्रेको दमकल ।

दमकल (बारुणयन्त्र) को अभावका कारण बाराको सिमरा विमानस्थल र अमलेखगञ्जस्थित क्षेत्रीय आयल निगम डिपो असुरक्षित बनेको छ ।

सिमरा विमानस्थल र क्षेत्रीय डिपो दुवै स्थानमा रहेका बारुणयन्त्र तीन महिनाअघि नै बिग्रिएपछि अहिलेसम्म पनि मर्मत गरिएको छैन ।

इन्धन भण्डारण गरिने स्थान र विमानस्थल जस्ता अति संवेदनशील क्षेत्रमा वारुणयन्त्र २४ सै घण्टा तयारी अवस्थामा रहनुपर्छ ।
दैनिक नियमित ८ वटा उडान भर्दैै आएको सिमरा विमानस्थलमा आपतकालिन अवस्थामा रात्रिकालीन उडान तथा अवतरण हुने समेत व्यवस्था छ तर, सुविधासम्पन्न भनिएको उक्त विमानस्थलमा वारुणयन्त्र भने छैन ।

विमानस्थलमा रहेको फ्रान्समा निर्मित अत्याधुनिक बारुणयन्त्रको पानी तथा फोम फ्याँक्ने डिजिटल टच प्याडको सेन्सर विग्रिएको र उक्त सामान नेपालमा नपाइने भएकोले विदेशबाट मगाउनु पर्दा ढिलो भएको नागरिक उड्डयन प्राधिकरण सिमराका प्रवन्धक परवेज आलम सिद्दिकीले बताए ।

उनका अनुसार सुरक्षा भन्दा पनि क्षति न्यूनिकरणमा प्रयोग हुने बारुणयन्त्रको विकल्प अहिले विमानस्थलमा केही पनि छैन ।

अहिले सिमरा विमानस्थालमा जेटस्टिम ४१, एटिआर ४२, बीचक्रयाफ्ट जस्ता जाहजहरु अवतरण गर्न सक्छन् । काठमाडौंको विमानस्थल व्यस्त भएका बेला विकल्पमा सिमरामा अवतरण गर्नसक्ने यस्ता विमानहरु वारुणयन्त्रको अभावमा अहिले अवतरण गराउने अवस्था छैन ।
श्याम गुप्ता, बारा

प्रतिकृया दिनुहोस