केही वर्षदेखि बढिरहेको बाघको संख्या थपिएको हुनसक्ने बर्दिया राष्ट्रिय निकुञ्जले जनाएको छ ।

क्यामेरा ट्रयापिङ्ग प्रबिधिबाट गणना थालेको निकुञ्जले बातावरण अनुकुल भएकाले बाघको संख्या बढेको हुनसक्ने जनाएको छ । (हे.तथ्याङ्क)

द्वन्द्वका बेला घटेको संख्या शान्ति प्रकृयालगत्तै बढ्दै गएको छ । हाल देशभर १९८ बाघ रहेकोमा ५० वटा यो निकञ्जमा छन् ।

यसअघि, क्यामेरा ट्रयापिङ्ग र बाघको दिसा संकलन गरी डीएनए परिक्षणमार्फत गणना गरिदै आएकोमा यो वर्ष ट्रयापिङमार्फत गणना हुने निकुञ्जका निमित्त प्रमुख संरक्षण अधिकृत रमेश थापाले बताए ।

बाघको गणनासँगै उनीहरुको आहारा प्रजातिबारे पनि अध्ययन् हुनेछ । बर्दिया राष्ट्रिय निकुञ्जमा बाघ गणनाका लागि ५ वटा ब्लक विभाजन गरिएको छ । ३० जनाको ५ वटा समूहले २९७ स्थानमा स्वचालित क्यामेरा राखेर गणना गर्नेछन् ।

यसका लागि ८० जोडी स्वचालित क्यामेरा जडान गरिने निकुञ्जले जनाएको छ । कर्णाली तटीय क्षेबाट आज शुरु भएको गणना ७२ दिनमा सकिने प्राविधिक समूहले जनाएको छ ।

निकञ्ज तथा वन्यजन्तु कोष विभाग, राष्ट्रिय प्रकृति संरक्षण कोष, डब्लूडब्लू एफ र बर्दिया राष्ट्रिय निकुन्जको संयुक्त पहलमा बाघ गणना थालिएको हो । भारतको कर्तनियाघाट वन्यजन्तु आरक्षसँग जोडिएको तराईकै ठूलो यो राष्ट्रिय निकुञ्जले ९६८ वर्ग किलोमिटर क्षेत्रफल ओगटेको छ ।

-भावुक योगी, बर्दिया

प्रतिकृया दिनुहोस