गुल्मीमा एकै घरका दुई बालकको हत्या भएको छ ।

गुल्मीको हाडहाडे–९ का नरेन्द्र पुनका दुई छोराहरु ७ वर्षीय अनिष र ५ वर्षीय मनिष पुनको आफ्नै घरमा हत्या भएको हो ।

६ पुस विहान दुई बालक र उनीहरुकी सौतेनी आमा २१ वर्षीया शान्ता मात्रै घरमा रहेका बेला शान्ताले प्रहरीलाई फोन गरी छोराहरुलाई करेण्ट लागेर मृत्यु भएको बताएकी थिईन् ।

त्यसलगत्तै नयाँगाउँ प्रहरी चौकीबाट गएको प्रहरी टोलीले बालकद्वयकोे मृत्यु नभई हत्या भएको ठहर गरेको छ ।

सौतेनीआमा शान्ताले नै हत्या गरेको हुनसक्ने भन्दै आशंकामा उनलाई नियन्त्रणमा लिएको प्रहरीले जनाएको छ ।

“यो कुनै दुर्घटना नभई हत्या नै हो, अहिले अनुसन्धानका लागि शान्तालाई नियन्त्रणमा लिएका छौं,” प्रहरी नायव उपरीक्षक रविन्द्र रेग्मीले भने ।

बालकहरुकी आफ्नी आमाले अर्कैसँग विहे गरेपछि नरेन्द्रले शान्तालाई कान्छीे श्रीमतीको रुपमा भित्र्याएका थिए । उनी अहिले रोजगारीको लागि भारतमा छन् ।

गगनशिला खड्का, गुल्मी

प्रतिकृया दिनुहोस