हिमाल पारीको जिल्ला मनाङ अहिले हिउँले ढाकिएको छ । सदरमुकाम चामे र माथिल्लो क्षेत्रमा हिंजो, मंगलबारदेखि निरन्तर हिमपात भईरहेको छ ।

सबै तस्वीर: हरि पौडेल

हिमपातले जनजीवन कष्टकर बने पनि आलु लगायतका बाली सप्रने भएकाले स्थानीय खुशी भएका छन् ।

हिमपातका कारण जाडो बढेको र बाहिर निस्कन सक्ने अवस्था नरहेको चामेबाट कृषि विकास बैँकका प्रवन्धक हरि पौडेलले जानकारी दिए । उनका अनुसार सरकारी तथा गैरसरकारी कार्यालयहरुमा सेवाग्राहीको संख्या शून्य छ ।

सडकमा हिउँ जमेपछि चामे र त्यसभन्दा मथिल्लो भेगमा सवारी साधन चल्न सकेका छैनन् ।

हिमपातका कारण पर्यटकहरुको यात्रा पनि रोकिएको छ । मौसम पूर्वानुमान महाशाखाले आज पनि रातभर हिमाली क्षेत्रमा हल्का वर्षाका साथ हिमापात हुने जनाएको छ ।

-युवराज श्रेष्ठ

हिउँबाट जनजीवन प्रभावित (तस्वीरहरु)

प्रतिकृया दिनुहोस