प्रमुख तीन दलका शीर्ष नेता र मधेशी मोर्चाबीच विहान ९ बजेदेखि शुरु भएको वार्ता जारी छ ।

तस्वीर: रासस

मधेशकेन्द्रित दलहरुका मागमा सहमति खोज्न भन्दै मोर्चाको माग अनुसार शीर्ष तहमा आज छलफल हुन लागेको हो । सहमति खोज्नकै लागि प्रमुख तीन दलले संविधान संशोधनको प्रक्रिया दुई दिन पर सारेका छन् ।

यसअघि समस्या समाधानका लागि गठित कार्यदलको औचित्य नभएको भन्दै मोर्चाले शीर्ष नेतृत्व तहमै वार्ता हुनुपर्ने माग राखेको थियो ।

मोर्चासँग सहमति गरेर ९ माघमा संविधान संशोधन पारित गर्ने तयारी गरेका तीन प्रमुख दलहरुले सहमति हुन नसकेपनि संविधान संशोधन गर्ने बताएका छन् ।

वार्तामा प्रमुख तीन दलका शीर्ष नेताहरु साथै मोर्चाका तर्फबाट उपेन्द्र यादव, हृदयेश त्रिपाठी, लक्ष्मणलाल कर्ण र सर्वेन्द्रनाथ शुक्ल सहभागी छन् ।

प्रतिकृया दिनुहोस