प्रमुख तीन दल र मधेशी मोर्चाबीच भएको वार्तामा कुनै सहमति नभएपछि प्रमुख तीन दलले समस्या समाधानका लागि औपचारिक र अनौपचारिक छलफल कायमै राख्ने निर्णय गरेका छन् ।

वार्तामा सहभागी एमाओवादी नेता नारायणकाजी श्रेष्ठले आज कुनै सहमति नभएको तर, छलफल भने जारी राख्ने बताए ।

उनले भने, “मोर्चाका साथीहरु गइसकेपछि पनि हामी तीन दलबीच वार्तालाई शीर्षतहमै निरन्तरता दिने र सहमतिका लागि अधिकतम प्रयास गर्ने निर्णय भएको छ ।”

संविधान संशोधन विधेयकमाथि परेका संशोधन प्रस्तावहरुमध्येबाटै मोर्चाका मागहरु सम्बोधन प्रयास गरिने भन्दै श्रेष्ठले मोर्चासँग अनौपचारिक र औपचारिक छलफलबाटै सहमति खोज्ने प्रयास जारी रहने बताए ।

यसअघि वार्तास्थलबाट बाहिरिएका मोर्चाका नेता उपेन्द्र यादवले भने वार्ताका नाममा चिया खाने काम मात्रै भएको र विवाद चार महिना अघिकै स्थितिमा रहेको बताएका थिए ।

मोर्चाका नेता बाहिरिएपछि पनि जारी  तीन दलको बैठक  अहिले सकिएको छ ।

प्रतिकृया दिनुहोस