प्रमुख प्रतिपक्षी नेपाली कांग्रेस र सत्तारुढ एमाले संसदमा पेश भएको संविधान संशोधन विधेयक परिमार्जन सहित पारित गर्न सहमत भएका छन् ।

आज, बालुवाटारमा सम्पन्न दुवै दलका शीर्ष नेताहरुको बैठकले आन्दोलनरत मधेशकेन्द्रित दलहरुका माग अधिकतम सम्बोधन हुने गरी विधेयकमा परेका संशोधन प्रस्तावबाटै उपयुक्त विकल्प निकालेर पारित गर्ने निर्णय गरेको हो ।

“संशोधन प्रस्ताव परिमार्जनसहित पारित गर्ने निर्णय भएको छ,” बैठकमा सहभागी नेपाली कांग्रेसका नेता महेश आचार्यले भने ।

नेपालको संविधानको पहिलो संशोधन विधेयक ९ माघमा पारित गर्ने प्रमुख तीन दलले यसअघि नै निर्णय गरिसकेका छन् ।

प्रतिकृया दिनुहोस