बङ्गबन्धु गोल्ड कप फुटबल प्रतियोगिताको उपाधि नेपालले जितेकाे छ । फाइनल खेलमा बहराइनलाई ३–० गाेल अन्तरले पराजित गर्दै नेपालले २२ वर्षपछि उपाधी जितेकाे हाे ।

नेपालका खेलाडी विमल घर्तीमगरले गाेलकाे खाता खाेलेका थिए । बङ्गलादेशको ढाकास्थित बङ्गबन्धु राष्ट्रिय रङ्गशालामा भएकाे खेलमा विराज मर्हजनको क्रसमा अन्जन विष्टले हेड गरेको बललाई बिमलले सदुपयोग गर्दै नेपाललाई अग्रता दिलाएका हुन् ।

नेपालकाे एक गाेलकाे अग्रतामा पहिलाे हाफ सकिएकाे थियाे । दाेस्राे हाफमा अञ्जन विष्टकै पासमा विशाल राईले गाेल थपेका थिए भने थपिएकाे पाँच मिनेटकाे समयमा नवयुग श्रेष्ठले अर्काे गाेल थपे । उनी चार गाेलसहित सर्वाधिक गाेलकर्ता समेत बनेका छन् ।

करिब १७ वर्षको अन्तरालमा नेपाल पहिलो पटक अन्तर्राष्ट्रिय फुटबल प्रतियोगितामा फाइनलमा पुगेको थियाे ।

प्रतिकृया दिनुहोस