नेपालको संविधानमा भएको पहिलो संशोधनको भारतले स्वागत गरेको छ ।

भारतीय विदेशमन्त्रालयले विज्ञप्ति जारी गरी नेपालको संसदले पारित गरेको दुई वटा संशोधनलाई सकारात्मक रुपमा लिइएकोे जनाएको छ ।

विज्ञप्तिमा भनिएको छ, “हिजो नेपालको संसदले पारित गरेका दुई संशोधनलाई हामीले सकारात्मक घटनाक्रमका  रुपमा लिएका छौं । बाँकी मुद्दाहरु पनि यसैगरी रचनात्मक रुपमा संवोधन हुनेछन् भन्ने विश्वास छ ।”

आन्दोलनरत मधेश केन्द्रित दलहरुको माग पूरा गर्न सरकारले पेश गरेको समानुपातिक समावेशी र निर्वाचन क्षेत्र सम्बन्धी संशोधन विधेयक व्यवस्थापिका संसदको ९ माघको बैठकले परिमार्जनसहित पारित गरेको थियो ।

उक्त संशोधनसँगै तराईमा जनसंख्याको अनुपातमा निर्वाचन क्षेत्र हुने र राज्यका निकायमा समानुपातिक समावेशी सहभागिता सुनिश्चित भएको छ ।

प्रतिकृया दिनुहोस