उपप्रधानमन्त्री तथा एमाले उपाध्यक्ष भीम रावलले मधेशी मोर्चाले उठाएको प्रमुख माग संविधानको संसोधनबाट पूरा भइसकेको भन्दै अन्य माग बारे चाँडै वार्ता हुने बताएका छन् ।

रिपोर्टर्स क्लबले १० माघमा आयोजना गरेको साक्षात्कारमा बोल्दै रावलले भने, “मोर्चाले शुरुमा उठाएको माग संसोधनबाट हुबहु पूरा भईसकेको छ । थप माग पूरा गर्न पनि सरकार तत्पर छ भन्ने सन्देश दिएको छ ।”

उनले बन्द, हडताल, हिंंसात्मक गतिविधि र अरु दललाई निषेध गर्ने कार्य बन्द गरेर सार्थक वार्तामा आउन मोर्चालाई आग्रह गरे ।

मोर्चासँगका पछिल्ला वार्ताहरुमा सीमांकन बाहेकका अन्य विषयमा सहमति नजिक पुगिएको भए पनि सीमांकनमा मोर्चा लचिलो नहुँदा सहमति हुन नसकेको उपप्रधानमन्त्री रावलले बताए ।

उनले भने, “समानुपातिक र निर्वाचन क्षेत्र निर्धारण सकारात्मक भए अरु विषयमा कुरागर्न सजिलो हुन्छ भनेकोले हामी संसोधन अघि बढाउने निष्कर्षमा पुगेका हौं ।”

प्रतिकृया दिनुहोस