तराईबाट प्रतिनिधित्व गर्ने नेपाली कांग्रेसका सांसदहरुले आफ्नो १३ औं महाधिवेशनका कार्यक्रममा कुनै व्यवधान नगर्न आन्दोलनरत दलहरु लगायत सबैमा आग्रह गरेका छन् ।

तराई–मधेशबाट प्रतिनिधित्व गर्ने कांग्रेसका २१ सांसदहरुद्वारा जारी विज्ञप्तिमा अधिवेशन र महाधिवेशन गर्ने संवैधानिक हक भएको भन्दै वडा, गाउँ–नगर, क्षेत्रीय, जिल्ला र केन्द्रीय अधिवेशन शान्तिपूर्ण वातावरणमा सफलतापूर्वक सम्पन्न गर्न सहयोगका लागि अपील गरिएको छ ।

मधेश केन्द्रित दलहरुले नेपाली कांग्रेस लगायतका प्रमुख दलहरुलाई मधेशमा कुनै पनि कार्यक्रम गर्न नदिने भन्ने घोषणा साथै केही कार्यक्रमहरु समेत विथोलेको सन्दर्भमा कांग्रेसको यस्तो विज्ञप्ति आएको हो ।

विज्ञप्तिमा कांग्रेस नेतृत्वको सरकारको पालामा संसदमा प्रस्तुत संविधान संशोधन विधेयक परिमार्जनसहित पारित भएको र त्यसले आन्दोलनका प्रमुख विषयहरुलाई सम्बोधन गरेको उल्लेख छ ।

प्राप्त उपलब्धिलाई सकारात्मक रुपमा लिंदै सीमांकन, नागरिकता, राष्ट्रियसभामा प्रतिनिधित्व, भाषा लगायतका विषयहरु सार्थक संवादबाट समाधान गर्न सकिने पनि विज्ञप्तिमा भनिएको छ ।

प्रतिकृया दिनुहोस