थप समाचारआइतबार, माघ १७, २०७२

१२१ महिला साईकल यात्रीको टोली कपिलवस्तुमा

हिमालखबर

विश्वशान्ति, पर्यावरण संरक्षण र महिला सशक्तिकरणको आवाज उठाउँदै काठमाडौंबाट निस्केको १२१ महिला भिक्षुहरुको साईकल यात्रा भारतका विभिन्न शहर पुगेर नयां दिल्ली हुँदै अहिले कपिलवस्तु आईपुगेको छ ।

तस्वीर: गोपाल भण्डारी

तस्वीर: गोपाल भण्डारी

१८ नोभेम्बरमा काठमाडौंबाट शुरु भएको शान्ति तथा पर्यावतरणीय साईकल यात्रा १८ माघमा लुम्विनीमा समापन हुँदै छ ।

साईकल यात्रामा नेपाल तथा भारतका १ सय २१ जना महिला भिक्षुहरु सहभागी छन् ।

उनीहरुले साईकल यात्राका दौरानमा स्वच्छ पर्यावरण र महिला शशक्तिकरणको सन्देश दिदै हिडेको बताए ।

काठमाडौंबाट साईकल यात्रामा निस्केका भिक्षुहरुले भारतको राजगीर, वोधगया, वाराणसी हुदै करीब २ हजार किलोमीटरको दुरी तय गरी नयां दिल्ली पुगेका थिए ।

नयांदिल्ली पुगे पछि उनीहरु कृष्णनगर सीमा नाकाबाट १७ माघमा नेपाल फर्किएका हुन् ।

लामवद्ध भई साईकल यात्रा निस्केका महिला भिक्षुहरु कपिलपस्तुको सदरमुकाम तौलिहवा हुँदै आजै बुद्ध जन्मभूमि लुम्विनी पुगेका छन् ।

साईकल यात्राका क्रममा नेपाल भित्रिए पछि उनीहरुलाई नेपाल प्रहरी र सशस्त्र प्रहरीले सुरक्षा प्रदान गरी लुम्विनीसम्म पुर्याएको छ ।
गोपाल भण्डारी, कपिलवस्तु

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...