नेपालगन्ज– ११ बेलासपुरकी २५ वर्षीया रानी शेष आफ्नै घरमा जलेर गम्भीर घाइते भएकी छन् ।

१८ माघ दिउँसो करिब साढे २ बजे आफ्नै घरको भान्साकोठामा जलेर गम्भीर घाइते भएकी शेषलाई उपचारका लागि स्थानीयले भेरी अञ्चल अस्पतालमा भर्ना गराए पनि थप उपचारका लागि भारतको लखनउ लगिएको छ ।

शरीरमा मट्टीतेल छरेर आगो लगाइएकी रानीको शरीररको नब्बे प्रतिशत भाग जलेको भेरी अञ्चल अस्पताल नेपालगन्जका डा. सञ्जय बर्माले बताए । धेरै जलेको र गम्भीर अवस्था भएकालाई उनलाई थप उपचारका लागि लखनउ पठाइएको उनले बताए ।

घरमा आफूहरु मात्रै रहेको अवस्थामा श्रीमतीले कसरी आगो लगाइन् भन्ने विषयमा आफूलाई थाहा नभएको उनका श्रीमान बुधई शेषले बताए ।

उनका श्रीमानले रानीले आफै आगो लगाएको बताए पनि घटनाबारे अनुसन्धान भइरहेको र चाँडै सत्यतथ्य पत्ता लाग्ने जिल्ला प्रहरी कार्यालयका डिएसपी भीमकिरण बोगटीले बताए ।

“अहिलेसम्म श्रीमानसँग विवाद भएपछि आगो लगाएको भन्ने बुझिएको छ,” उनले भने, “अनुसन्धान भइरहेको छ, साँचो के हो चाँडै थाहा हुन्छ ।”
केशव राना,बाँके

प्रतिकृया दिनुहोस