पत्रकार सम्मेलनमा तमलाेपाका शीर्ष नेताहरु । तस्वीरः सुरेश विडारी

तराई–मधेस लोकतान्त्रिक पार्टीका अध्यक्ष महन्थ ठाकुरले सीमाकंन नटुंगिएसम्म नाका नखुल्ने बताएका छन् ।

वीरगञ्जस्थित होटल मकालुमा आयोजित पत्रकार सम्मेलनमा ठाकुरले प्रमुख तीन दलले सीमाकंनबारे स्पष्ट धारणा ल्याएपछि मात्रै नाका खुल्ने बताए । उनले भने, “मोर्चाको अर्को बैठकबाट नाकाबन्दीसहित नयाँ कार्यक्रमहरु सार्वजनिक हुन्छ ।”

ठाकुरले सरकार र तस्करहरुले मधेश आन्दोलनको बदनाम गरेको बताए । उनले भने, “सरकार र प्रमुख दलहरुले वार्ताको नाममा नौटंकी गरिरहँदा निष्कर्षमा पुग्न सकिएको छैन ।”

मधेश आन्दोलनलाई सशक्त बनाउन आन्दोलनरत दलहरुबीच सहकार्यका लागि आफूहरु तयार रहेको बताए ।

–सुरेश बिडारी, वीरगञ्ज

प्रतिकृया दिनुहोस