वीरगञ्ज रक्सौल नाकामा धर्नाकारीले राखेको अवरोध व्यापारीले हटाएपछि अहिले ठूला मालवाहक कन्टेनर नेपालतर्फ भित्रिइरहेका छन् ।

नाकाबन्दी भएको १३५ औं दिनमा दिउँसो करिब १ बजेदेखि अहिलेसम्म  दुई वटा ट्यांकरसहित करिब ६० वटा ठूला मालबाहक गाडी नेपाल आइसकेका छन् ।

सीमा क्षेत्रमा नेपाल प्रहरी र सशस्त्र प्रहरी साथै स्थानीय वासिन्दाको ठूलो उपस्थिति छ ।

नाकामा तमलोपाका नेता
यसैबीच तमलोपाका महामन्त्री जितेन्द्र सोनल मितेरी पुल नजिक पुगेका स्थानीयसँगको विवादपछि फर्किएका छन् । मधेशी मोर्चाको औपचारिक निर्णय नआउँदासम्म नाका खोल्न नदिने बताइरहेका उनी र खुलाउन चाहने स्थानीयबीच  विवाद भएपछि सोनल नाकाबाट फर्किएका हुन् ।

सोनलसँगै मितेरी पुलमा पुगेका उनका कार्यकर्ता टायर बाल्ने प्रयासमा रहे पनि स्थानीयले रोकेकाथिए ।

सुरेश विडारी र जियालाल साह, वीरगञ्ज

प्रतिकृया दिनुहोस