१३५ दिनपछि खुलेको वीरगञ्ज–रक्सौल नाका बन्द गराउन पुगेका मधेशी मोर्चाका नेता–कार्यकर्तालाई भारतीय व्यापारीले प्रतिकार गरेपछि नाका सुचारु नै छ ।

संघीय समाजवादी फोरमका पर्सा अध्यक्ष प्रदीप यादवको नेतृत्वमा नाका बन्द गराउन पुगेको समूहलाई भारतीय व्यापारी र रक्सौलका स्थानीयको समूहले प्रतिकार गरेपछि उनीहरु त्यहाँबाट फर्किएका छन् ।

दुवैपक्षबीच केही बेर ढुंगा हानाहान समेत भएको थियो ।

नाका बन्द गराउनेहरुको समूहलाई वीरगञ्ज भन्सार कार्यालय नजिक प्रहरीले रोके पनि उनीहरु सहायक सडक हुँदै रक्सौल पुगी त्यताबाट नाकामा आएका थिए ।

त्यसक्रममा फोरम नेता यादवमाथि भारतीय व्यापारीले हात हालेपछि केही बेर दुवैपक्षबीच घम्साघम्सी भए पनि ठूलो घटना हुन पाएन ।

अहिले नाका सुचारु छ ।
जियालाल साह, वीरगञ्ज

प्रतिकृया दिनुहोस